«Ռեալ Մադրիդի» կենտրոնական պաշտպան Պեպեն վստահաբար հայտարարել է, որ իր թիմը չի նախանձում որևէ այլ ակումբի, քանի որ ինքը կարծում է, որ «Սանտիագո Բեռնաբեուում» զգացողությունները լավագույնն են աշխարհում:
Խնդիրը կայանում է նրանում, որ «Բարսելոնայի» պաշտպաններից մեկը, ավելի կոնկրետ՝ Դանի Ալվեշը, վերջերս ասել է, որ «Ռեալը» նախանձով է լցված կատալոնական ակումբի նկատմամբ՝ հաշվի առնելով Ժոզե Մոուրինյոյի՝ Աշխարհի ակումբային առաջնությունից հետո արած արտահայտությունները: Մոուրինյոն կատալանների խաղը «Սանթոսի» դեմ վերագրել է՝ «ոչ ավելին, քան մի փոքրիկ խաղ»:
Պեպեն իր հերթին «հակահարված» է հասցրել Ալվեշին՝ ասելով, որ «Մադրիդը» չափազանց մեծ է այլ թիմերին նախանձելու համար:
«Նախա՞նձ. մենք չենք նախանձում որևէ ակումբի. մեր թիմը լավագույնն է աշխարհում,- մեջբերում ենք Պեպեի խոսքերից:- «Ռեալ Մադրիդը» աշխարհի լավագույն ակումբն է, և անհնար է նախանձել մեկ այլ թիմի»:
Հավելենք նաև, որ «Ռեալն» այժմ առաջատար է Լա լիգայում՝ երեք միավորով գերազանցելով «Բարսելոնային»:
Комментариев нет:
Отправить комментарий